مندوب رايح يتقدم لمندوبة وبيقابل أبوها اللى كان مندوب علشان يتفق معاه
هو : سلام عليكم يا عمى ازى حضرتك ايه الأخبار
أبوها : أهلا بيك مين حضرتك؟
هو : مع حضرتك فلان الفلانى من شركة .......
أبوها : اااه أهلا يا بنى أهلا بيك خير
هو : والله يا عمى انا كنت حابب ادردش مع حضرتك بخصوص حالات العرسان اللى بتيجى لبنت حضرتك يا ترى بتشوف حالات كتير؟
أبوها : والله يبنى مش كتير انت عارف سوق الجواز نايم اليومين دول دخلة المدارس بقى والشتا الناس مش معاها تيجى تتجوز
هو : بس انا يا عمى اخدت فيد باك من جيرانكم ومن الصيدلية اللى تحت بيتكم وعرفت إن بنت حضرتك Active listening و Self motivated و دة شجعني إنى اطلب ايدها من حضرتك
أبوها : طاب ادينا فرصة ناخد فيد باك عنك مش يمكن تكون بتفلص زيارات أو بتفبرك ريبورتات
هو: يا عمى انا مستعد اعمل لحضرتك presentation عن نفسى
أبوها : introduce yourself
هو : انا من أسرة كلها اشتغلت دعاية والدى يبقى district manager ف سانوفى ووالدتى سوبر فايزور ف نوفارتس
اخويا الكبير سنيور فى راميدا و اختى الصغيرة فى التريننج حاليا فى ماكرو
أبوها :ممتاز طاب ممكن أسألك ميديكال ؟
هو: اتفضل يا عمى
أبوها : اشرح لى تركيب شنطة المندوب وكل جزء وظيفته ايه
هو : الشنطة بتتكون من جيبين كبار الأول بيكون للعينات وقزازة المية و التانى للماستر فايل أما الجيبين الصغيرين بيكونوا للبلوك نوت أو الأقلام لو الشركة نزلت لهم وأخيرا الجيب الامامى وده بيكون للفلايرات لو فى
أبوها: اختارك ليه عريس لبنتى؟ أنا لحد دلوقتي متقدملى سيفيهات كتير وناس خبرة ليه اختارك انت بالذات؟
هو: ال need يا عمى بتاعتك فى انك عايز حد يعرف يجيب الرقم اللى عايزه من شبكة ومهر حد يكون بينزل قرى علشان يعرف يجيب تارجته فى سعادته وراحة بالها
أبوها : معاك عربية؟
هو : كمان خمس شهور وهتنزل لى العربية
أبوها : آخر سؤال لو حد عرض عليك تتجوز واحدة تانية بس مش هتدفع كتير يعنى مكسبك المادى اكتر هتوافق ؟
هو : طبعاً يا عمى احنا شغالين علشان نعرف نجيب فلوس حضرتك لو جالك فرصة احسن اكيد هتمشى
أبوها :والله يبنى نفسى امشى بس مضى عقد ومؤخر شرط جزائي كبير مقدرش
عامة انت كدة بالنسبة لى تمام و لو فى نصيب هنكلمك خلا يومين علشان تتصعد لمقابلة أمها ال HR بتاعة البيت
هو: شكرا يا عمى وأتمنى اخد support من حضرتك فى الموضوع دة
أبوها : إن شاء الله ربنا يسهل 😒
